هالمرة قررت احكي باللبناني بلكي شي حدا بيقرا شوي.
انو عنجد شي بيخوف لوين نحنا رايحين، صرنا addicted للانترنت بشكل رهيب. وين ما نروح عم تتوفر تسهيلات كتير لحتا ما ننفصل عن الانترنت والتليفون.
أول ما نفوت على مطعم مع رفقاتنا او مع العيلة الكريمه منسأل اذا عندون انترنت. انو يابا صار يللي عمروا ١٦ سنة عندوا أشغال بالصين ما في يقعد بلا انترنت.
صرنا اذا قاعدين عيلة سوا او نحنا ورفقاتنا كل واحد راسوا بهالتليفون ( هيدا تعبير مجازي)، بطلنا نتحدث بشي ابدا ولا نسمع لبعض.
صرنا نمشي عالطريق عالwhats app...
صرنا نسوق السيارة كمان عم نلت حكي (اي نتكلم كثيرا بدون أي مغزى)..صار ال whats-app عنصر اساسي متلوا متل الاوكسجين بالهوا!

طب have you ever wondered هيدا الجيل يللي طالع هلق شو رح يطلع منو؟
أي ثقافة عندوا؟ وبأيا مواضيع اجتماعية فيه يناقشك؟ 
بأي مبدأ رح يكون عضو بمجتمع وهو ما بحياتوا فتح كتاب او عمل شي بيفيد عالتليفون rather مقضيها طق حنك؟
هالأجيال يللي جايي، فيها تقود أمة؟ فيها تعمل التغيير يللي نحنا ما قدرنا نعملوا؟
صار وقت نتحرك...صار وقت جيلنا يزت (مصطلح لبناني يعني يترك) الانترنت شوي و يشوف شو عم بيصير حواليه...او يحكي العالم شوي ليكتسب خبرة التواصل والتفاعل مع البشر! 
مش غلط انو تستعمل الانترنت...بس نظّم وقتك! 
Moustafa Moustafa



Modern Prisons

Reactions: